Taılandtaǵy iri sý tasqynynyń qurbandary sany 600 adamnan asty
ASTANA. 21 qarasha. QazAqparat - Taılandtaǵy úsh aıdan astam ýaqyt buryn bastalǵan sońǵy onjyldyqtardaǵy eń iri sý tasqyny qurbandarynyń sany 600 adamǵa jetti, eki adam iz-túzsiz joǵalǵandar sanatynda.
Bul týraly jergilikti úkimet organdary málimdegen. Budan buryn 570 adamnyń qurban bolǵany aıtylǵan edi, dep habarlady reseılik «Jańalyqtar» agenttigi.
Tabıǵat apatynyń saldaryn joıý jónindegi basqarmanyń esebinde aıtylǵandaı, búgingi tańda 18 provıntsııa, sonyń ishinde Bangkok aýdany áli kúnge deıin tasqyn qursaýynda qalyp otyr, 46 provıntsııada sýdyń beti qaıtyp, apat saldaryn joıý jumystary bastaldy. Al astananyń ózinde 50 aýdannyń 36-syn ishinara sý basqan.
Sońǵy 50 jyldaǵy maýsymdyq sý tasqyny saldarynan Taılandta 77 provıntsııanyń 64-i sý astynda qaldy. 13 mıllıonnan astam adam nemese eldiń árbir besinshi turǵyny zardap shekti, mıllıon gektardan astam kúrish alqaptary búlindi (bul kúrishtiń jyldyq egininiń shırek bóligi), júzdegen ónerkásip kásiporyny toqtady. Sarapshylar sý tasqynynan kelgen zııandy 16-18 mıllıard dollarǵa baǵalap otyr.
