Taılandtaǵy alapat tasqynnan qaza tapqandar sany artty
ASTANA. QazAqparat - Taılandtyń ońtústiginde alapat tasqynnan ajal qushqandar sany 80 adamǵa jetti. Taǵy 4 jergilikti turǵyn iz-túzsiz joǵalyp ketken. Mundaı málimetti Taılandtyń tótenshe jaǵdaı departamentiniń ókilderi habarlady, dep jazady «Habar 24».
Qańtar aıynyń basynan tolassyz jaýǵan nóser sońy tasqynǵa ulasqan. Sınoptıkterdiń boljamy kóńil kónshitpeıdi. Jaqynda kúngeıdegi 7 provıntsııanyń aýmaǵynda taǵy jaýyn-shashyn bolýy múmkin. Sonymen birge Sıam shyǵanaǵynda qatty tolqyn júrý qaýpi bar, sondyqtan quzyrly organdar shaǵyn kemelerdiń jaǵada qalǵany durys dep keńes berip otyr.
Qutqarýshylardyń aıtýynsha, eldiń ońtústigindegi 12 provıntsııada júzdegen myń úıdi sý shaıyp ketken. Atalǵan aımaqta 1 mıllıon 700 myń adam turady. Zardap shekken sheteldik azamattar týraly aqparat joq. Jalpy mamandar alapat tasqynnan el ekonomıkasyna 2 mıllıard 800 mıllıon dollar shyǵyn kelýi múmkin dep qaýiptenedi.
