Taılandtaǵy jer silkinisinen zardap shekken qazaqstandyqtar bar ma — SІM jaýaby

ASTANA. KAZINFORM — Elimizdiń Syrtqy ister mınıstrligi Taılandtaǵy jer silkinisine qatysty túsinik berdi.

— Qazaqstannyń Taılandtaǵy elshiliginiń aqparaty boıynsha jer silkinisine baılanysty osy eldegi otandastarymyzdan qandaı da bir ótinishter kelip túsken joq, — dedi mınıstrliktiń resmı ókili Aıbek Smadııarov agenttik tilshisine.

Aıta ketsek, Mıanmada 7,9 baldyq jer silkinisi tirkeldi.

Sonymen qatar, Bangkok turǵyndary qatty jer silkinisine baılanysty evakýatsııalanǵany týraly habarlaǵan bolatynbyz. Úkimet aldaǵy 24 saǵat ishinde taǵy da jerasty dúmpýleri bolýy múmkin ekenin eskertti.

Sondaı-aq Taıland premer-mınıstri Bangkokty «tótenshe jaǵdaı aımaǵy» dep jarııalady.