Taılandtaǵy ushaq apatynan polıtsııa qyzmetkerleri qaza tapty

ASTANA. KAZINFORM – Taılandtyń Prachýaphırıkhan provıntsııasynyń jaǵalaýynda polıtsııanyń shaǵyn ushaǵy apatqa ushyrap, alty qyzmetker qaza tapty, dep habarlaıdy Anadoly aqparat agenttigi.

Áýe kemesi Prachýaphırıhan provıntsııasynyń jaǵalaýynda teńizge qulady.

Málimet boıynsha, DHC-6-400 Twin Otter ushaǵy josparlanǵan parashıýt jattyǵýlarynyń aldynda synaq ushýyn júzege asyrdy. Ushaq Hýahın aýdanynan jergilikti ýaqyt boıynsha tańǵy saǵat 08:00 shamasynda ushyp shyqty, biraq kóp uzamaı Hýahın áýejaıynyń mańynda teńizge qulady.

Borttaǵy polıtsııanyń alty qyzmetkeriniń barlyǵy qaza tapty. Oqıǵaǵa baılanysty tergeý amaldary bastaldy.

Buǵan deıin ushaq Sıam shyǵanaǵynda, Phetchabýrı provıntsııasyndaǵy Baby Grande Hua Hin qonaqúıiniń mańynda qulaǵanyn jazǵan bolatynbyz.