Taılandtaǵy týrnırde Tórehan Sabyrhan jartylaı fınalǵa jetti

ASTANA. KAZINFORM — Qazaqstandyq boksshylar Taıland astanasy Bangkok qalasynda ótip jatqan halyqaralyq týrnırde Tórehan Sabyrhan (70 keli) jartylaı fınalǵa jetti.

Shırek fınalda Tórehan fılıppın boksshysy Ronald Chavesti tóreshilerdiń biraýyzdan sheshimimen jeńdi.Ol ekinshi raýndta qarsylasyn nokdaýnǵa jiberdi. 

Aıta ketsek, Tórehan jastar jáne jasóspirimder arasynda tórt dúrkin Azııa chempıony ataǵyn jeńip alǵan.

Tórehan byltyr qarasha aıynda Chernogorııanyń Býdva qalasynda ótken jastar arasyndaǵy bokstan álem chempıonatynyń altyn medalin jeńip aldy.

Sondaı-aq el quramasynan Nazerke Serik (65 keli), Danııar Rahımberdıev (90 keli) jarysty jalǵastyratyn boldy.

Al Orazbek Asylqulov (60 keli) taılandtyq Thanphansakon Kalasırge, Danııal Saparbaı (92 keliden joǵary) úndistandyq Anshýlý Gıllýǵa ese jiberdi.

Dástúrli týrnır 24 mamyr men 1 maýsym aralyǵynda ótkizilip jatyr. Oǵan Qytaı, Koreıa, Japonııa, Ózbekstan, Qazaqstan, Taıland jáne taǵy basqa eldiń bylǵary qolǵap sheberleri qatysady dep josparlanǵan.