Taılandtaǵy týrnırde qazaqstandyq taǵy tórt boksshy jartylaı fınalǵa shyqty

ASTANA. KAZINFORM - Taıland astanasy Bangkok qalasynda ótip jatqan halyqaralyq týrnırde qazaqstandyq tórt boksshy jartylaı fınalǵa jetti.

Kúndizgi sessııada Nursultan Altynbek (55 keli) tóreshilerdiń biraýyzdan sheshimimen japonııalyq Seıdjýro Mıdzogýtıdi tize búktirse, áıelderde Gúlnaz Bóribaeva (48 keli) ýkraınalyq Olga Shalımovǵa ese jiberdi.

Keshki sessııada erlerde Nurzat Ońǵarov (50 keli) Ońtústik koreıa sportshysy Taegıýn ıÝndy jeńse, Dýlat Bekbaýov (65 keli) qyrǵyzstandyq Munarbek Seıitbek ýýlýny, Dıas Moljigitov (80 keli) ındonezııalyq Maıhel Roberrdý Mýskıtede aılasyn asyrdy.

Aıta ketsek, budan buryn Tórehan Sabyrhan (70 keli) shırek fınalda Tórehan fılıppın boksshysy Ronald Chavesten basym tússe, Nazerke Serik (65 keli), Danııar Rahımberdıev (90 keli) jarysty jalǵastyratyn boldy.

Al Orazbek Asylqulov (60 keli) taılandtyq Thanphansakon Kalasırge, Danııal Saparbaı (92 keliden joǵary) úndistandyq Anshýlý Gıllýǵa ese jiberdi.

Dástúrli týrnır 24 mamyr men 1 maýsym aralyǵynda ótedi. Oǵan Qytaı, Koreıa, Japonııa, Ózbekstan, Qazaqstan, Taıland jáne taǵy basqa eldiń bylǵary qolǵap sheberleri qatysady dep josparlanǵan.