Taılandtaǵy týrnırde qazaqstandyq on boksshy fınalda saıysqa túsedi

ASTANA. KAZINFORM — Taıland astanasy Bangkokta ótip jatqan bokstan Thailand Open halyqaralyq týrnırinde qazaqstandyq jeti boksshy fınalda saıysqa túsedi. 

Erler quramasynda eki boksshy altyn medalǵa talasady. Olardyń qatarynda Tórehan Sabyrhan (70 keli) men Dıas Moljigitov (80 keli) bar.

Al áıelderde Vıktorııa Grafeeva (60 keli), Natalıa Bogdanova (70 keli), Nadejda Rıabets (75 keli), Gúlsaıa Erjan (80 keli) jáne Eldana Tálipova (80 keliden joǵary) sharshy alańǵa shyǵady.

Fınaldyq jekpe-jekter 1 maýsymǵa belgilengen.

Halyqaralyq týrnırge erler jáne áıelder quramasynda barlyǵy on boksshy barǵan edi.

Sondaı-aq el quramasynan Dýlat Bekbaýov (65 keli), Danııar Rahymberdıev (90 keli), Bekzat Tańatar (85 keli) men Nursultan Altynbek (55 keli) qola júldeni qanaǵat tutty.

Dástúrli týrnır 24 mamyr men 1 maýsym aralyǵynda ótkizilip jatyr. Oǵan Qytaı, Koreıa, Japonııa, Ózbekstan, Qazaqstan, Taıland jáne taǵy basqa eldiń bylǵary qolǵap sheberleri qatysady dep josparlanǵan.