Taılandtaǵy týrnırde Qazaqstan quramasy qorjynyna úshinshi altyn tústi

ASTANA. KAZINFORM — Taıland astanasy Bangkokta ótip jatqan bokstan Thailand Open halyqaralyq týrnırinde Vıktorııa Grafeeva (60 keli) altyn aldy. 

Halyqaralyq týrnırde ol qytaılyq ıAn Chendi 4:1 esebimen jeńdi.

Endi el quramasynan Natalıa Bogdanova (70 keli), Nadejda Rıabets (75 keli), Gúlsaıa Erjan (80 keli) jáne Eldana Tálipova (80 keliden joǵary) sharshy alańǵa shyǵady.

Al erler quramasynan 2 altyn, 5 kúmis aldy. Qurama sapynan Dıas Moljigitov (80 keli) men Tórehan Sabyrhan (70 keli) halyqaralyq týrnırde chempıon atandy.

Al Dýlat Bekbaýov (65 keli), Danııar Rahymberdıev (90 keli), Bekzat Tańatar (85 keli) men Nursultan Altynbek (55 keli) qola júldeni qanaǵat tutty.

Sondaı-aq Nurzat Ońǵarov (50 keli), Orazbek Asylqulov (60 keli), Tımýr Nurseıit (75 keli) Danııal Saparbaı (90 keliden joǵary) júldesiz qaldy

Dástúrli týrnır 24 mamyr men 1 maýsym aralyǵynda ótkizilip jatyr. Oǵan Qytaı, Koreıa, Japonııa, Ózbekstan, Qazaqstan, Taıland jáne taǵy basqa eldiń bylǵary qolǵap sheberleri qatysady dep josparlanǵan.