Taılandtaǵy tanymal kýrortta órt shyǵyp, 11 adam qaza tapty

ASTANA. KAZINFORM — Taılandtyń Phýket kýrorttyq aralyndaǵy tórt qabatty ǵımaratta bolǵan órtten 11 adam qaza taýyp, taǵy 16 adam zardap shekti, dep habarlaıdy CNA agenttigi. 

Pojar na popýlıarnom kýrorte Taılanda ýnes jıznı 11 chelovek
Foto: CNA

Tańerteń mototsıkl jaldaý orny ornalasqan kommertsııalyq ǵımarattan órt shyǵyp, jalyn ózge bólmelerge taraǵan. Órtti aýyzdyqtaýǵa mamandar eki saǵattaı ýaqyt jumsady.

Órt sóndirilgennen keıin ǵımarattan qaza tapqan 11 adamnyń denesi tabyldy. Olardyń arasynda Taıland pen Mıanma azamattary bar. Al órttiń shyǵý sebebi anyqtalyp jatyr.

Sondaı-aq tútinge ýlanyp, synǵan áınek synyqtarynan jaraqat alǵan taǵy 16 adam aýrýhanaǵa jatqyzyldy. Reuters agenttiginiń polıtsııaǵa silteme jasap habarlaýynsha, qaza tapqandar men jaralanǵandar arasynda týrıster joq.

Taılandtaǵy barlar men túngi klýbtardaǵy qaýipsizdik talaptarynyń saqtalýy kópten beri qoǵam nazaryn aýdaryp keledi. Shilde aıynda Bangkoktaǵy adam lyq toly barlardyń birinde órt shyǵyp, 40-qa jýyq adam qaza tapty.

Bılik ókilderiniń málimetinshe, órttiń shyǵýyna qysqa tuıyqtalý sebep bolǵan.

Buǵan deıin Qytaıdyń soltústigindegi ǵımarat órtenip, 14 adam qaza tapqany habarlanǵan bolatyn.