Taılandtaǵy lıtsenzııalyq týrnır: Qazaq boksshylarynyń oıyn kestesi belgili boldy

ASTANA. KAZINFORM - Taılandtyń Bangkok qalasynda bokstan Olımpıadaǵa irikteý týrnırinde qazaqstandyq boksshylardyń oıyn kestesi belgili boldy.

Atalǵan týrnırde Parıj Olımpıadasynyń 51 joldama ıegeri (erler – 28, áıelder – 23) anyqtalady.

Erler quramasy qazirge deıin Olımpıadanyń alty joldamasyna ıe bolǵan.

Atap aıtqanda, olardyń qatarynda Sáken Bıbosynov (51 keli), Mahmud Sabyrhan (57 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli) jáne Qamshybek Qońqabaev (92 keliden joǵary) bar.

Al áıelder quramasynan byltyr qazan aıynda Qytaıda ótken Azıadada Karına Ibragımova Olımpıada oıyndaryna bokstan alǵashqy joldamany jeńip aldy.

Jarys 2 maýsymǵa deıin jalǵasady. 

Qazaqstandyq boksshylardyń oıyn kestesi:

Erler:

25 mamyr

63,5 keli: Muhammedsabyr Bazarbaıuly - Krıstıan Pıtt Laýrente (Fılıppın)

Áıelder:

26 mamyr

50 keli: Nazym Qyzaıbaı - Nıkol Dýrıkova (Slovakııa)

27 mamyr

60 keli: Rımma Volosenko - Marııa Felısıtas Ganglbaýer (Germanııa);
75 keli: Valentına Halzova - Karolına Mahno (Ýkraına).

28 mamyr

54 keli: Uljan Sársenbek - Shera Meı Patrısıo (AQSh)

29 mamyr

66 keli: Natalıa Bogdanova - Krıstına Kýlýhova (Serbııa).