Taılandtaǵy feıerverk fabrıkasynda bolǵan jarylystan toǵyz adam qaza tapty
BANGKOK. KAZINFORM — Taılandtyń ortalyǵyndaǵy Sýphanbýrı provıntsııasynda ornalasqan feıerverk fabrıkasynda sársenbi kúni bolǵan jarylystan toǵyz adam qaza taýyp, taǵy eki adam jaraqat aldy. Bul týraly jergilikti bılik habarlady, dep jazdy Sınhýa.
Tabıǵı apattardyń aldyn alý jáne olardyń saldaryn jeńildetý departamentiniń málimetinshe, jarylys jergilikti ýaqytpen 11:10-da bolǵan. Tótenshe jaǵdaılar qyzmeti oqıǵa ornyna dereý jetip, zardap shekkenderdi jaqyn mańdaǵy aýrýhanaǵa jetkizdi.
Qazirgi tańda jarylystyń sebebi anyqtalyp jatyr.
Eske sala keteıik, buǵan deıin Úndistandaǵy feıerverk fabrıkasynda bolǵan jarylystan segiz adam qaza tapqanyn jazǵan edik.
Al Nıderland parlamentiniń joǵarǵy palatasy 2026 jyldan bastap jeke tulǵalarǵa petardalar qoldanýǵa tolyq tyıym salý týraly sheshimdi maquldady.
Germanııadaǵy Reın jármeńkesinde otshashýdan 19 adam zardap shekken edi.