Taılandta jolaýshylardy áýejaıǵa jetkizgen avtobýs órtenip ketti
ASTANA. QazAqparat - Bangkoktaǵy Sývannaphým áýejaıyna bara jatqan jolaýshylar avtobýsy órtenip, nebári birneshe mınýttyń ishinde janyp ketti. Júrgizýshi esikti ashyp, jolaýshylardy qaýipsiz jerge shyǵaryp úlgerdi. Abyroı bolǵanda, eshkim zardap shekken joq, dep habarlaıdy jergilikti polıtsııa.
TASS agenttiginiń habarlaýynsha, oqıǵa áýejaıǵa baratyn jolda oryn alǵan. Bangkok aglomeratsııasynyń bir bóligi bolyp tabylatyn Samýtprakan provıntsııasynan kele jatqan 20 jolaýshysy bar avtobýs qozǵalys kezinde órtene bastady.
Jalyn tez taraldy. «Órt sóndirýshiler kelgenshe, avtobýs jalynǵa orandy. Abyroı bolǵanda, jolaýshylardyń eshqaısysy zardap shekken joq», - dep habarlady Taıland astanasynyń aýmaǵynda ornalasqan Latkrabang aýdandyq polıtsııa basqarmasy bastyǵynyń orynbasary. Órttiń shyǵý sebepteri anyqtalýda.
