Taılandta jarylys: Jergilikti saılaý komıssııasynyń tóraǵasy men úsh áskerı qyzmetshi mert boldy
ASTANA. QazAqparat - Taılandtyń ońtústigindegi Pattanı ólkesine qarasty avtojolda bomba jarylyp, jergilikti saılaý komıssııasyn basqarǵan aýdandyq ákimshilik sheneýnigi men úsh áskerı qyzmetshi qaza tapty. Bul týraly sheteldik BAQ habarlaýda.
Khok Pho aýdanynyń ákimshilik basshysynyń orynbasary úsh áskerı qyzmetshimen birge ózi tóraǵalyq etetin saılaý ýchaskesine bara jatqan. Alaıda jarty jolda ol shuǵyl arada baǵdaryn ózgertip, áskerı qyzmetshilermen birge jergilikti ózin ózi qorǵaý otrıady men separatıst sodyrlar arasynda qaqtyǵys týyndaǵan aýylǵa barmaq bolǵan. Sheneýnik kóligine bara bergen kezde jol boıyna ornatylǵan jarylǵysh qurylǵy iske qosylǵan.
«Bul jarylys saılaýmen baılanysty dep oılamaımyn. Menińshe, bul áskerı qyzmetshilerge qarsy jasalǵan qastandyq. Mundaı shabýyldar jıi bolyp turady», deıdi aımaqtyq saılaý komıssııasynyń tóraǵasy.
