Taılandta ıahtanyń jarylýy: pasporty órtengen qazaqstandyqtarǵa ýaqytsha qujat rásimdeledi

ASTANA. KAZINFORM – Elimizdiń Syrtqy ister mınıstrligi Taılandta órtengen ıahtada bolǵan qazaqstandyqtardyń qujattary retteletinin aıtty. 

- ıAhtadaǵy jolaýshylardyń arasynda Qazaqstannyń 4 azamaty boldy. Olardyń barlyǵy din-aman, Taılandta demalysyn jalǵastyrý týraly sheshim qabyldady. Eki azamattyń pasporty órtenip ketti. Erteń Konsýl olarǵa ýaqytsha qujattardy resimdep, sonymen Qazaqstanǵa orala alady, - dep jaýap berdi SІM-niń resmı ókili Aıbek Smadııarov agenttik tilshisiniń saýalyna.

Buǵan deıin Taılandta qazaqstandyqtar mingen ıahta jarylyp ketkeni týraly jazǵan edik.

Aqparatqa sáıkes, ıahta kapıtany qozǵaltqysh aqaýlaryna tap bolyp, kómek jiberýdi habarlaǵan soń jóndeý jumystaryn júrgizip jatqan. Osy kezde kenetten órt shyǵyp, jarylys bolǵan.

Sondaı-aq Taılandtaǵy ıahta jarylysynan zardap shekken qazaqstandyqtar oqıǵanyń mán-jaıyn aıtyp berdi.