Taılandta uzaqqa sozylǵan sýyqtan 63 adam ajal qushty
ASTANA. 23 qańtar. QazAqparat - Sońǵy on jyl ishinde Taılandta kúz jáne qys aılary qatty sýytyp tur. Qazir uzaqqa sozylǵan sýyqtyń kesirinen eldiń 27 provıntsııasynda 63 adam mert bolǵan. Bul týraly koroldiktiń meteorologııa departamenti habarlaıdy, dep jazady ITAR-TASS.
Atalmysh vedomstvonyń málimetterine súıensek, ótken jyldyń 22 qazanynan beri ajal qushqandardyń basym kópshiligi - er adamdar. «Kóptegen jaǵdaılarda adamdardyń ólimge ushyraýynyń negizgi sebebi - olardyń tym qatty tońýy saldarynan syrqatqa ushyraýy nemese aýrýlarynyń asqynyp ketýinen bolyp otyr», - dep habarlady atalǵan mekemeniń ókilderi.
Aýa raıyn boljaýshylardyń habarlaýynsha, soltústik jáne soltústik-shyǵys provıntsııalarda aýa temperatýrasy túngi ýaqytta tórt gradýs Tselsııge deıin tómendeıdi. Koroldiktiń ortalyq aımaǵynda da kún raıy tym sýyq. Bangkokta 23 qańtar kúni tańerteń aýa temperatýrasy +15,6 C°-di kórsetken. Taıland astanasynda aýa temperatýrasynyń bulaısha tómendeýi sońǵy 30 jylda alǵash ret baıqalyp otyr. .
Tropıkalyq ólkeniń turǵyndary endi ásirese, tańerteńgilik ýaqyttarda jyly kúrtesheleri men bas kıimderin kıip júrýge májbúr.
