Taılandta tynyǵyp jatqan qazaqstandyqtarǵa abaı bolý eskertildi
ASTANA. QazAqparat - Qazaqstannyń Taıland Koroldigindegi elshiligi Taılandta tynyǵyp jatqan qazaqstandyqtardy abaı bolýǵa shaqyrdy. Óıtkeni, Taıland jaǵalaýyna «Pabýk» tropıkalyq daýyly jaqyndap kele jatyr, dep habarlaıdy QazAqparat elshiliktiń baspasóz qyzmetine silteme jasap.
«Qurmetti otandastar! Barynsha abaı bolyp, qaýipsizdik sharalaryn saqtaýdy suranamyz. Ońtústik Qytaı teńizinen bastalǵan «Pabýk» tropıkalyq daýyly qazir Spratlı araldarynyń ońtústik-batysynda, ol Sıam shyǵanaǵyna barynsha jaqyndap kele jatyr. 5 qańtar kúni daýyl Taıland jaǵalaýyna jetedi», - delingen elshiliktiń eskertpesinde.
Elshiliktiń málimetinshe, 3, 4 qańtar kúnderi Sýratthanı, Nakhonsıthammarat, Phatthalýng, Songkhla, Pattanı, ıAla, Narathıvat, Krabı, Trang jáne Satýn provıntsııalarynda nóser jańbyr jaýady. Al 4, 5 qańtarda Phetbýrı, Prachýapkhırıkhan, Nakhonsıthammarat, Phatthalýng, Songkh la, Pattanı, ıAla, Narathıvat, Ranong, Phangnga, Phýket, Krabı, Trang jáne Satýn provıntsııalarynda jaýyn-shashyn kútiledi.
