Taılandta týrısterdiń joljúgin olardyń qatysýynsyz ashýǵa ruqsat etiledi
ASTANA. KAZINFORM — 2026 jyldyń 16 qazanynan bastap Taılandta tirkelgen joljúkti skanerleý kezinde kúdik týyndaǵan jaǵdaıda ony ıesiniń qatysýynsyz ashýǵa bolady, dep habarlaıdy Kazinform.
Taılandtyń Týrızm basqarmasynyń habarlaýynsha, qaýipsizdik qyzmetkerleri kúdikti, tyıym salynǵan nemese ushý qaýipsizdigine qaýipti bolýy múmkin dep sanalatyn zattardy tapsa, tirkelgen bagaj ıesiniń qatysýynsyz tekserý úshin ashylýy múmkin.
Chemodan baqylanatyn jaǵdaıda jáne arnaıy jerde ashylady. Tekserý protsesi beınejazbaǵa túsiriledi, al jazbalar kelesi tekserý úshin saqtalady. Sodan keıin jolaýshyǵa júginiń ashylyp, tekserilgeni týraly habarlanady.
— Osynyń arqasynda qaýipsizdik qyzmetkerleri jolaýshynyń qatysýynsyz qajetti tekserýdi júrgize alady, bul qosymsha kidiristerdi boldyrmaýǵa jáne áýe saparlarynyń qaýipsizdigin qamtamasyz etýge múmkindik beredi, — delingen Taıland Týrızm basqarmasynyń málimdemesinde.
Qaýipsizdik tekserisin jeńildetý úshin qaýipsizdik qyzmetkerleriniń olardy zaqymdamaı asha alatynyna kóz jetkizý úshin halyqaralyq deńgeıde tanylǵan júk qulyptaryn, mysaly, TSA talaptaryna sáıkes keletin qulyptardy paıdalaný usynyldy.
Budan basqa, Taılandtyń Azamattyq avıatsııa basqarmasy tirkelgen júkke qundy, názik zattardy, mańyzdy qujattardy jáne mańyzdy jeke zattardy salmaýǵa keńes beredi.
Eger tekserý kezinde qandaı da bir máseleler týyndasa nemese bagaj zaqymdalsa, jolaýshylar óz áýe kompanııasyna habarlasýǵa nemese Taılandtyń Azamattyq avıatsııa basqarmasyna complain.caat.or.th arqyly shaǵym túsirýge quqyly.
Vedomstvo Sıngapýr, Japonııa, Ońtústik Koreıa jáne AQSh sııaqty kóptegen elde, sondaı-aq Taıaý Shyǵys pen Eýropanyń keıbir elderinde osyndaı rásimder qazirdiń ózinde qoldanylyp jatqanyn atap ótti.
