Taılandta terbelisi 6,0 jer silkinisi boldy
ASTANA. QazAqparat - Taılandtyń soltústiginde dúısenbi kúni máskeý ýaqyty boıynsha 15:08-de kúshti jer silkinisi boldy. Naqty derekterge súıensek, onyń terbelisi 6,0. Bul týraly AQSh Geologııalyq qyzmeti habarlady.
Seısmologtardyń aıtýynsha, jer silkinisiniń kindigi provıntsııamen attas ákimshilik ortalyǵy - Chıangaraı qalasynan 27 shaqyrym jerde ornalasqan.
Jer asty dúmpýleri shamamen máskeý ýaqyty boıynsha saǵat 15:20-da Taılandtyń ortalyq bóliginde de sezildi. Taıland astanasynyń kóptegen turǵyndary shuǵyl túrde úılerin tastap, kóshege shyqty.
