Taılandta taǵy bir adam Zıka vırýsyn juqtyrdy
ASTANA. QazAqparat - Taılandtyń soltústik-shyǵysynda taǵy bir adam Zıka vırýsyn juqtyrǵan.
Dúısenbide taılandtyq Ýdonthanı provıntsııasynyń bıligi habarlaǵandaı, osy eldiń azamaty Taıvan áýejaıynda aýrý belgilerimen toqtatyldy, dep jazdy TASS.
«Vırýstyń taralýyna jol bermeý boıynsha jumystar júrgizýdemiz. Naýqastyń otbasy músheleri dárigerler baqylaýynda», - dep habarlady densaýlyq saqtaý basqarmasynyń basshysy Mıt Prasannakarn.
Bıyl Taılandta Zıka vırýsy úshinshi ret tirkeldi. Qańtarda Ýdonthanı provıntsııasynan er adam joǵary temperatýramen Taıvan áýejaıynan toqtatylǵan. Keıinnen Bangkokta taǵy bir naýqas anyqtaldy.
