Taılandta sýǵa batyp kete jazdaǵan Qazaqstan azamatynyń jaǵdaıy aýyr – QR SІM

ASTANA. QazAqparat - Otandasymyzdyń jaǵdaıy aýyr, qazir komada jatyr. Jergilikti bılikterdiń eskertýine jáne tyıym salýyna qaramastan ol teńizge túsip, kóp sý jutyp qoıdy. Sońǵy kúnderi Phýkette qatty tolqyndar kóterilip, jaǵalaýǵa qyzyl jalaýlar shyǵarylǵan.

Bizdiń azamattyń denesin sýdan shyǵarǵannan keıin qutqarýshylar oǵan jasandy tynys jasap, dárigerlerge tapsyrdy. Qazir ol jansaqtaý bóliminde em alýda.

Otandasymyzdy Taılandtan Qazaqstanǵa sanavıatsııa ushaǵymen tasymaldaý úshin qazaqstandyq dárigerler konsılıýmynyń qorytyndysy qajet. Ol taı dárigerleriniń medıtsınalyq sheshimi negizinde jasalady.

Qazirgi tańda konsýl bul máselemen aınalysyp jatyr. Qutqarylǵan jigittiń ata-anasy Phýketke ushyp kelip, dıplomattarmen birge dárigerlermen kelissózder júrgizip jatyr.

Taılandta demalyp jatqan QR azamattaryn jergilikti bılik organdarynyń erejeleri men talaptaryn saqtaýǵa shaqyramyz jáne meteorologııalyq shekteýler kezinde teńizge túspeýdi eskertemiz. Ókinishke oraı, bul sońǵy aptada Taılandta otandastarymyzben oryn alǵan ekinshi oqıǵa.