Taılandta sý tasqyny saldarynan 58 myń adam zardap shekti
ASTANA. QazAqparat - Taılandta tolassyz jaýǵan jańbyr saldarynan sý tasqyny bolyp, 58 myńnan astam adam zardap shekken, dep xabarlaıdy QazAqparat.
Jeksenbi kúni Bangkok Post gazetiniń jazýynsha, tabıǵı apat koroldiktiń túrli bóligindegi segiz provıntsııada bolǵan.
Basylymnyń aqparaty boıynsha, sý tasqynynan eldiń 26 aýdanynda ornalasqan 16 468 úıdegi 58 276 adam zardap shekken.
Býngkan provıntsııasynda 6,6 myń gektar aýylsharýashylyq jeri sý astynda qalǵan.
Budan bólek, Nakhonphanom, Sakon Nakhon, Nakhonnaıok, Prachınbýrı, Chachoengsao, Phetchabýrı ı Satýn provıntsııalarynyń keıbir bólikterin sý basqan.
Jergilikti bılik koroldiktiń qatty zardap shekken aýdandarynda sý aıdaýdy jalǵastyrýda.
