Taılandta SPID-ke uqsas jańa aýrý tabyldy
ASTANA. 29 tamyz. QazAqparat - Ǵalymdar ımmýndyq júıeniiń buzylýyna baılanysty jańa aýrý túrin zertteýde, dep habarlaıdy reseılik «Jańalyqtar» agenttigi.
Ázirge jańa indetke 50 jastar shamasyndaǵy Taıland turǵyndary ǵana ushyrap otyr. Ol eresek adamdarda ǵana kezdesedi, adamnan adamǵa juqppaıdy. Bul aýrýdyń alǵashqy belgileri 2004 jyly belgili bolǵan. Onymen Taılandta 200 adam syrqatqa ushyraǵan, biraq ta odan qaza bolǵandar týraly habarlanǵan joq.
AQSh-tyń allergııa jáne juqpaly aýrýlar ulttyq ınstıtýtynyń Sara Braýnı bastaǵan ǵalymdary tapqan bul syrqatqa ushyraǵandarda ımmýndyq júıe isten shyǵyp, organızm ınfektsııaǵa qarsylyq kórsete almaıdy. Onyń aıtýynsha, ol ımmýn jetispeýshiliginiń bir túri, tuqym qýalaıdy jáne eseıgen shaqta bilinedi.
