Taılandta saılaýǵa qarsy narazylyq topqa qarsy gaz qoldanyldy
ASTANA. 26 jeltoqsan. QazAqparat - Bangkokte kezekten tys parlamenttik saılaýǵa kandıdattardy tirkeý ótip jatqan ǵımaratqa tosqaýyl qoıýǵa talpynǵan 500 adamnan quralǵan narazylyq bildirýshilerge qarsy polıtsııa kózdi jasaýratatyn gazdy qoldandy.
Sheteldik BAQ-tyń jazýynsha, demonstranttar saılaý komıssııasy keńselerine kirýge tyrysqan kezde polıtsııa olardy taratyp jiberýge kirisken.
Senbide oppozıtsııalyq Demokratııalyq partııa kezekten tys saılaýǵa boıkot jarııalap, kóshelerdegi jappaı narazylyq aktsııalaryn jalǵastyrýǵa shaqyrdy.
Esterińizge sala keteıik, osynyń aldyndaǵy narazylyq sharalarynan keıin premer-mınıstr Iınglak Chınavat parlamentti merziminen buryn taratyp, otstavkaǵa ketti. Alaıda saılaýǵa deıin Chınavat kabıneti jumysyn jalǵastyratyn bolady.
Óz kezeginde, oppozıtsııa ýaqytsha úkimettiń otstavkasyn talap etýde. Osy oraıda olar jańa premerdi taǵaıyndap, saıası reformamen aınalysatyn «halyqtyq keńesti» shaqyrtý kerektigin alǵa tartýda.
