Taılandta reseılik 4,5 jyl vızasyz ómir súrip kelgen
ASTANA. QazAqparat - Taılandta ómir súrgen reseılik Aleksandr Danılov vızalyq rejimdi buzǵany úshin tutqyndaldy.
Bul týraly dúısenbi kúni Bangkoktaǵy baspasóz máslıhatynda Taıland kóshi-qon basqarmasynyń basshysy, general-leıtenant Thanathon Phrosýnthon málim etti, dep habarlady RIA Novostı.
«Kóshi-qon esepterin tekserý kezinde Danılov myrzanyń Taıland aýmaǵynda júrýge berilgen ruqsat merziminiń tórt jyl buryn aıaqtalǵany anyqtaldy. Búginge deıin ol Taılandta 4 jyl, 7 aı jáne 15 kún ruqsatsyz júrgen», - dedi general.
Danılov vızalyq rejim tártibin buzdy degen aıyppen tutqyndaldy. Ol Taılandtan deportatsııalanady jáne esimi Taılandqa kirýge tyıym salynǵan «qara tizimge» enedi, dep habarlady basqarma basshysy.
