Taılandta pilder sherýi ótti
ASTANA. QazAqparat - Taılandtaǵy Aıýtt-haıada 60 shaqty pil qala kóshelerimen júrip ótti.
Artynsha janýarlarǵa jemisterden merekelik ústel jaıylyp, qurmet kórsetildi. Óıtkeni búgin - pilder kúni.
Bul mereke Taılandta 1998 jyldan beri toılanady. Janýarlardy qorǵaý uıymdarynyń belsendileri osy shara arqyly sútqorektiler sanynyń azaıýy men olarǵa qatygezdik kórsetilý máselelerine nazar aýdarýdy josparlaǵan.
Olardyń aıtýynsha, sońǵy ýaqytta pilder koroldikke demalyp keletin týrısterdiń attraktsıonyna aınalǵan. Búginde eldegi jabaıy pilder 3 700-ge jeter-jetpes. Al qolǵa beıimdelgenderdiń sany 4 myńnan asyp jyǵylady.
«Bolashaqta pilderdiń týrıstik ındýstrııada qoldanylýy derekterin qysqartýǵa nıettimiz. Qazirdiń ózinde osynda meken etetin janýardyń 30 paıyzy adamdardy tasymaldamaıtyn boldy. Kelýshiler endi olardy jýyndyryp, tamaq bere alady», - pilderdi ósirý ortalyǵynyń menedjeri Laıtongrıen Mıpan.
Derekkóz: "Habar 24" arnasy
