Taılandta ótken velosporttan Azııa chempıonatynda qazaqstandyqtar eki kúmis medalǵa ıe boldy
ASTANA. QazAqparat - Taılandtyq Nakhon Radchasıma qalasynda velosport boıynsha Azııa chempıonaty óz máresine jetti. Jarysta qazaqstandyqtar 2 kúmis alqaǵa qol jetkizdi, dep habarlady QR velosport federatsııasynyń baspasóz qyzmetinen.
Jandos Bıjigitov eresek sportshylar arasynda 43,6 km qashyqtyqta jarysqa shyǵyp, ekinshi orynǵa ıe boldy. Bul synda altyn alqa jerlesimizden 2 mınýtqa ozǵan Iran ókili Hýsseın Askarıge buıyrdy. Úzdik úshtikti koreılik sportshy Hen Mın Cho tuıyqtady.
Tatıana Geneleva jasóspirim qyzdar arasynda 10,9 km qashyqtyqtaǵy synǵa qatysyp, kúmis alqaǵa qol jetkizdi. Sportshymyz jeńimpazdan shamamen 10 sekýndqa qalyp qoıǵan. Nátıjesinde altyn medalǵa japonııalyq ıÝmı Kaıhara, al qola alqaǵa vetnamdyq sportshy Tý Maı Ngýen Tı ıe boldy.
