Taılandta oqýshy mektepte oq jaýdyryp, jeti adam qaza tapty
ASTANA. KAZINFORM – Bangkoktyń soltústigindegi Nontabýrı provıntsııasynyń mektebinde bolǵan atystan jeti adam qaza taýyp, 15 adam jaraqat aldy, dep habarlaıdy Reuters.
Qaza bolǵandar arasynda úsh muǵalim, úsh oqýshy jáne ózine qol jumsaǵan shabýyldaýshy boldy. Jaraqat alǵan eki adamnyń jaǵdaıy aýyr.
Polıtsııanyń málimetinshe, shabýyldaýshy 14 jastaǵy oqýshy bolǵan. Ol kem degende 26 ret oq atqan, al tutqyndalǵannan keıin odan taǵy 34 oq tabylǵan. Aldyn ala málimet boıynsha, tapansha onyń atasyna tıesili bolǵan.
Polıtsııa sonymen qatar shabýyldaýshy mektep aýmaǵynda oq atpas buryn ata-ájesin úıinde atyp óltirgen dep shamalap otyr.
Reuters málimetinshe, bul Taılandta 2022 jyldan bergi eń iri jappaı qyrǵyn.
Sondaı-aq bul bıyl mektepte bolǵan ekinshi atys: aqpan aıynda eldiń ońtústiginde muǵalim qaza taýyp, bir oqýshy jaraqat aldy.
Maýsymda Fılıppınniń ortalyq bóligindegi mektepte bolǵan atystan úsh oqýshy qaza taýyp, keminde 20 adam jaraqat alǵan.
