Taılandta komendanttyq saǵat alynyp tastaldy
ASTANA. QazAqparat - Eldegi áskerı tóńkeristen soń keshki ýaqytta turǵyndarǵa kóshege shyǵýǵa tyıym salynǵan edi. Keshe memlekettiń áskerı basshylyǵy elde tynyshtyq ornaǵannan soń komendanttyq saǵatty alyp tastaý týraly sheshimge keldi, dep habarlaıdy sheteldik BAQ.
- Eldiń búkil aýmaǵynda tynyshtyq saqtalyp, jaǵdaı ornyqty. Sondyqtan komendanttyq saǵatty alyp tastaý týraly sheshim shyqty, delingen Ulttyq beıbitshilik jáne turaqtylyq keńesiniń málimdemesinde.
Esterińizge sala keteıik, áýelde halyqqa keshki 10-nan tańǵy 5-ke deıin kóshege shyǵýǵa tyıym salynǵan. Keıin bul ýaqyt 00:00-den tańǵy 4-ke deıin qysqarǵan.
