Taılandta qazaqstandyqtar mingen ıahta jarylyp ketti
ASTANA. KAZINFORM — Taılandtyń Phýket aralynda týrıster mingen ıahtadan órt shyǵyp, alty adam, onyń ishinde úsh týrıst zardap shekti.
Jergilikti Khaosod aqparat portalynyń habarlaýynsha, ıahtada 33 reseılik jáne qazaqstandyq týrıst, bir ekskýrsııa jetekshisi jáne úsh ekıpaj múshesi bolǵan.
Phýket aımaqtyq aılaq keńsesi jergilikti ýaqyt boıynsha 1 sáýir kúni saǵat 9:00 shamasynda «Thanamarine 555» atty ıahtada órt týraly habarlama alǵan.
Aqparatqa sáıkes, ıahta kapıtany qozǵaltqysh aqaýlaryna tap bolyp, kómek jiberýdi habarlaǵan soń jóndeý jumystaryn júrgizip jatqan. Osy kezde kenetten órt shyǵyp, jarylys bolǵan.
Jarylys saldarynan úsh ekıpaj múshesi jáne úsh týrıst jaraqat alǵan. Jedel járdem qyzmetkerleri zardap shekkenderdi jergilikti aýrýhanaǵa jetkizdi.
Phýket aımaqtyq aılaq keńsesi oqıǵa ornyna tergeý jáne kómek kórsetý úshin port patrýldik qaıyǵyn jibergen.
Taıland Týrızm jáne sport mınıstri Sýang Tıenhong týrısttik polıtsııa bıýrosy men tıisti jergilikti mekemelerge qaýipsizdikke, saıahatty uıymdastyrýǵa jáne zardap shekkenderge muqııat medıtsınalyq kómek kórsetýge nazar aýdara otyryp, týrısterge tolyq kómek kórsetýdi tapsyrdy.
Osyǵan deıin Malaızııada gaz qubyryndaǵy jarylystan 112 adam zardap shekkenin jazdyq.