Taılandta qarjy pıramıdasyn qurǵan alaıaq 13 myń jylǵa sottaldy
ASTANA. QazAqparat - Taılandta Pýdıt Kıttıtradılok esimdi qarjy pıramıdasyn qurǵan alaıaq 13 myń jylǵa sottaldy, dep habarlaıdy «QazAqparat» HAA Trend agenttigine siltememen.
34 jastaǵy alaıaq Karlo Pontsıdiń júıesi boıynsha qarjy pıramıdasyn quryp, oǵan 40 myńdaı adam tartqan. Investorlar oǵan 160 mıllıon dollardaı qarjy quıǵan. Sot Kıttıtradılokty alaıaqtyqqa aıyptaýdyń 2 653 tarmaǵy boıynsha aıypty dep tapty. Pýdıttiń shynaıy ókinip, óz kinásin moıyndaǵanyn eskere otyryp, sot jazany eki ese jeńiletti. Endi ol 6 637 jylǵa sottalyp otyr.
Alaıda, aıyptalýshy túrmede uzaq otyrmaıtyn kórinedi. Sebebi bul elde zańnyń osy bóligi boıynsha jazalanǵandar 10 jyldan artyq merzimge qamalmaıdy eken. Odan bólek, onyń kompanııasy 2653 japa shegýshige jyldyq 7,5% ósimmen 17 mıllıon dollar óteýi tıis. Al onyń eki kompanııasynyń árbiri 20 mıllıon dollarǵa baǵalanyp otyr.
