Taılandta qara tústi kıim jetispeı jatyr
ASTANA. QazAqparat - Taıland úkimeti el koroli Phýmıpon Adýlıadettiń qaıtys bolýyna baılanysty jappaı aza tutý saldarynan memlekette qara kıimniń tapshylyǵy baıqalatynyn aıtty. Bul týraly «Gardıan» gazeti jazdy.
Úkimet qara kıimniń baǵasyn ósiretinderge 3 900 dollar aıyppul salynýy, sonymen qatar olar jeti jylǵa deıin bas bostandyǵynan aıyrylýy múmkin ekenin málimdedi.
Eske sala ketkek, 13 qazanda Taıland koroli Phýmıpon Adýlıadet 89 jasqa qaraǵan shaǵynda dúnıeden ozdy. Ol 70 jyldan astam taqta otyryp, qazirgi zamanǵy eń uzaq bılikte otyrǵan monarh retinde tarıhta qaldy.
Elde 1 jyl aza tutý jarııalandy. Taıland Premer-mınıstri Praıýt Chan-Ocha otandastaryn aldaǵy 30 kúnde kez kelgen oıyn-saýyq sharalarynan aýlaq bolýǵa shaqyrdy. Basylymdardyń habarlaýynsha, jeke týrıstik aımaqtar men keı dúkender jabylǵan. Endi bir dúkender ishimdik satýdy toqtatty. Aza tutý kezinde Taıland týrısteri meıramhanalar, bar, saýda ortalyqtary sekildi oıyn-saýyq túrlerine qatysty túrli shekteýlerge kez bolýy múmkin.
Al, QR IDM qazaqstandyq týrısterden Taılandtaǵy qaıǵyly sharalarǵa baılanysty qurmet belgisi retinde sypaıy kıinýdi jáne el aldynda kóńil kótermeýdi ótindi.
