Taılandta Il-76 ushaǵynyń ekıpajy bosatyldy
ASTANA. Aqpannyń 12-si. QazAqparat - Taılandta beısenbi, aqpannyń 11-i kúni Il-76 ushaǵynyń ekıpaj músheleri - Qazaqstan men Belarýs azamattary bosatyldy,
dep habarlaıdy ITAR-TASS agenttigi.
Bas prokýror ushqyshtarǵa qatysty qylmystyq is qozǵamaý týraly úkim qabyldaǵannan keıin olar bostandyqqa shyǵarylyp otyr.
Bortynda zańsyz qarý-jaraq júgi bolǵan Il-76 ushaǵy Soltústik Koreıadan ushyp kele jatqan jolda Bangkok áýejaıyna maı quıýǵa aıaldaǵan bolatyn. Sodan beri, ıaǵnı 2009 jyly jeltoqsannyń 22-sinen beri ushqyshtar qamaýda otyryp keldi. Qazirgi tańda olardy elderine qaıtarý amaly bastalýda.
Qazaqstannyń Taılandtaǵy dıplomatııalyq mıssııasy men quzyrly organdardyń málimetteri boıynsha, Bangkokta ustalǵan 4L-AWA nómirli Il-76 ushaǵy Grýzııanyń «Aır Vest Djordjıa LTD» kompanııasynyń atyna tirkelgen. Atalmysh ushaqty jańazelandııalyq «SP Treıdıng LTD» kompanııasy júk tasymaldaý úshin jalǵa alǵan. Ushaqtyń ekıpajyndaǵy 4 qazaqstandyq pen belarýstyq 1 azamatty «Aır Vest LTD» kompanııasy ushaqta qyzmet kórsetý úshin jaldaǵan jáne bul shara halyqaralyq normalarǵa sáıkes.
