Taılandta ǵalamshardaǵy eń boıy uzyn adam qaıtys boldy
ASTANA. QazAqparat - 26 jastaǵy Pornchaı Saosrıdiń boıy 2 metr, 69 santımetr bolǵan.
Jol apatyna ushyraǵan er adam odan keıin qaıta densaýlyǵyn jaqsartyp, aıaqqa tura almady. Ol 72 keli salmaq joǵaltty, bul rette boıy 12 santımetrge ósken. Bulshyq etteriniń álsiregeni sonshalyq, Pornchaıdyń 153 keli salmaǵyna shydaı da almady.
Anasynyń aıtýynsha, ulynyń boıy altynshy synyptan jyldam óse bastaǵan. Dárigerler onyń boıynyń ósýi gormonaldyq aýytqýshylyqqa baılanysty bolǵanyn anyqtady.
Pornchaıdyń aýrýhanada jatqany týraly aqparat jergilikti BAQ betterine bir aıdaı ýaqyt buryn túsken. Belsendiler bul adamnyń emdelýine kómektesýdi sheship, 3 myńǵa jýyq dollar qarajat jınaǵan. Ókinishke qaraı, endi bul aqsha alyp adamnyń jerleý rásimin ótkizýge jumsalady.
Pornchaı Jer betindegi boıy eń uzyn adam retinde resmı jazylmaǵanyn atap ótý kerek. Buǵan ol turǵan provıntsııanyń bıligi kináli - olar óz jerlesiniń dárejesin rastaý ótinimin berip úlgermedi. Gınnestiń rekordtar kitabynda bul sanatta túrik azamaty Sultan Kesenniń esimi jazylǵan. Bul adamnyń boıy - 2 metr, 51 santımetr.
