Taılandta gadjet kómegimen emtıhan tapsyrǵan talapkerler oqýǵa túspeı qaldy
ASTANA. QazAqparat - Taılandtyq talapkerler «aqyldy saǵat» pen kamerasy bar kózildirikti qoldanyp emtıhan tapsyrǵan, dep habarlaıdy 24.kz telearnasy.
Oqýshylar ozyq tehnologııalar kómegimen eldegi eń bedeldi ýnıversıtettiń medıtsınalyq fakýltetine túsýdi josparlaǵan. Olar emtıhan suraqtaryn sýretke túsirip, ustazdaryna jiberedi.
Alaıda eleýsiz nárse jastardyń josparyn júzege asyrýǵa kedergi keltirdi. Úlken kózildirik emtıhan alýshylardyń nazaryn aýdarǵan. Sonymen qatar talapkerlerdiń 3 saǵatqa laıyqtalǵan emtıhan suraqtaryna bar bolǵany 45 mınýtta jaýap bergenderi de kúdik týdyrdy.
Alaıaqtarǵa 170 dollar aıyppul salynyp, aty-jónderi qara tizimge engizildi. Endi olar bul medıtsınalyq ınstıtýtqa eshqashan túse almaıdy.
