Taılandta burshaq aralasqan daýyl saldarynan aǵashtar qulap, úıler qırady
NUR-SULTAN. QazAqparat – Taılandtyń Chıangraı provıntsııasynda burshaq aralasqan otyz mınýttyq qatty daýyl turyp, provıntsııanyń úsh aýdanyndaǵy elektr jaryǵyn úzip, turǵyn úılerge úlken zalal keltirdi, dep habarlaıdy QazAqparat Thai PBS telearnasyna silteme jasap.
Jel elektr jelisi baǵanalaryn buzyp, birneshe úlken aǵashty qulatty, olar avtojoldardy jaýyp qaldy. Elektr jaryǵyn qalpyna keltirýge bes saǵat ketti.
Burshaq ondaǵan jeke úı men qora-qopsynyń shatyryn tesken. Daýyl kezinde eshkim zardap shekken joq. Qazirgi ýaqytta zalal shyǵyny eseptelip jatyr, dep habarlady telearna.
Taıland sınoptıkteri jaqyn kúnderi eldiń soltústiginde qysqa merzimdi boran men burshaq qaıtalanýy múmkin deıdi.
