Taılandta bolǵan jarylys saldarynan bir adam qaza taýyp, jeteýi jaraqattandy
ASTANA. QazAqparat - Taılandtyń ońtústiginde Songkhla provıntsııasyndaǵy meıramhanada granatanyń jarylýy saldarynan bir adam ajal qushyp, jeteýi jaraqattandy. Bul týraly seısenbi kúni jergilikti polıtsııaǵa silteme jasap TASS habarlady.
Oqys oqıǵa dúısenbi keshke bolǵan. Aldyn ala aqparat boıynsha, meıramhana aýmaǵynda granata jarylǵan. Mekemege kelgender aýyr jaraqattar aldy. Quqyq qorǵaý organdary habarlaǵandaı, 10 mınýttan keıin meıramhana janynda taǵy bir jarylys boldy. Alaıda japa shekkender joq.
Karaoke-barǵa shabýyl jasaý jaýapkershiligi aımaqtaǵy separatıstterdiń moınyna artyldy, dep habarlady jergilikti
polıtsııa.
Taılandtyń musylmandyq ońtústiginde separatıstter bar. Olar bılikpen 11 jyl qatarynan partızandyq soǵys júrgizip keledi. Osy ýaqyt aralyǵynda jarylystar men atystar saldarynan 6,5 myńnan astam adam qaza tapty.
