Taılandta bolǵan qos jarylystan 50-den astam adam jaralandy
ASTANA. QazAqparat - Taılandta saýda ortalyǵynda qos jarylys boldy, dep habarlaıdy 24kz.
Oqıǵanyń saldarynan 56 adam jaralanyp aýrýhanaǵa túsken. Olardyń ekeýiniń hali aýyr. Oqys oqıǵa koroldiktiń ońtústigindegi Pattanı provıntsııasynda bolǵan. Aldymen saýda ortalyǵyna kireberiste bomba iske qosylǵan. Artynsha osy ǵımarattyń kólik turaǵynda jarylǵysh zat qoıylǵan temir tulpardyń kúli kókke ushty.
Ázirge eshbir top shabýyldardy óz moınyna alǵan joq. Jalpy óńirde ońtústik aýdandardyń elden bólinýin talap etip júrgen toptar áreket etedi. 10 jyldan astam ýaqyt ishinde olardyń qastandyq áreketinen shamamen 6 jarym myń adam kóz jumǵan.
