Taılandta bokstan ótetin Azııa chempıonatynda kimder baq synaıdy

ASTANA. KAZINFORM — Taıland koroldiginiń Chıangmaı qalasynda 29 qarasha – 11 jeltoqsan aralyǵynda bokstan erler men áıelder arasyndaǵy kezekti Azııa chempıonaty ótedi.

QR Týrızm jáne sport mınıstrliginen alynǵan málimetke qaraǵanda, sary qurlyq básekesinde erler – 13, al áıelder 12 salmaq dárejesinde synǵa túsedi.

Áýelgi jospar boıynsha bıylǵy Azııa birinshiligi osydan eki jyl buryn atalǵan dodany qabyldaǵan Iordanııa astanasy – Ammanda ótkizilýi tıis edi. Alaıda óńirdegi qaýipsizdik máselesi eskerilip, chempıonat Iordanııadan Taılandqa aýystyryldy. Osylaısha, Taıland koroldigi 1963 jyldan beri uıymdastyrylyp kele jatqan bokstan Azııa chempıonatyn óz tarıhynda toǵyzynshy ret qabyldap otyr.

Bıylǵy Azııa chempıonatynyń ereksheligi, sary qurlyq dodasyna alǵash ret Ýkraına boksshylary da qatyspaq. Bul – Azııa chempıonatynda tirkelgen alǵashqy jaıt. Al Eýropa chempıonatynda ózge qurlyqtan, ıaǵnı, Izraıl, Mysyr sııaqty elderdiń de boksshylary qatysqan kezder bolǵan.

Qazaqstan erler quramasynan Azııa chempıonatyna qatysatyn 13 boksshynyń ekeýi, ıaǵnı, Sanjar Táshkenbaı (48 kg, 2022 jyl) men Aıbek Oralbaı (92 kg, 2022 jyl) buǵan deıin Azııa birinshiliginde top jarǵan. Sondaı-aq Taılandta tórt álem chempıony judyryqtasady. Olar: Sanjar Táshkenbaı (48 kg), Sáken Bıbosynov (51 kg), Mahmud Sabyrhan (54 kg) jáne Bekzat Nurdáýletov (86 kg). Al Orazbek Asylqulov (57 kg), Beıbarys Jeksen (60 kg), Muhammedsabyr Bazarbaıuly (63,5 kg), Dıas Moljigitov (75 kg), Erasyl Jaqpekov (80 kg) jáne Bekzat Nurdáýletov (86 kg) Azııa chempıonatyna alǵash ret qatysady.

Qazaqstan erler quramasynyń tizimi:

Sanjar Táshkenbaı (48 kg),

Sáken Bıbosynov (51 kg),

Mahmud Sabyrhan (54 kg),

Orazbek Asylqulov (57 kg),

Beıbarys Jeksen (60 kg),

Muhammedsabyr Bazarbaıuly (63,5 kg),

Dýlat Bekbaýov (67 kg),

Abylaıhan Júsipov (71 kg),

Dıas Moljigitov (75 kg),

Erasyl Jaqpekov (80 kg),

Bekzat Nurdáýletov (86 kg),

Saǵyndyq Toǵambaı (92 kg),

Aıbek Oralbaı (+92 kg).

Qazaqstan áıelder quramasynyń tizimi:

Áıgerim Sáttibaeva (48 kg),

Alýa Balqybekova (50 kg),

Jazıra Oraqbaeva (52 kg),

Symbat Álıasqar (54 kg),

Uljan Sársenbek (57 kg),

Vıktorııa Grafeeva (60 kg),

Aıda Ábikeeva (63 kg),

Mılana Safronova (66 kg),

Natalıa Bogdanova (70 kg),

Dıana Maǵaýııaeva (75 kg),

Gúlsaıa Erjan (81 kg),

Eldana Talıpova (+81 kg).

Búgin jerebe tartý rásimi ótkizilip, jekpe-jekter erteń bastalady.

Eske sala keteıik, budan buryn bokstan Azııa chempıonatyna qatysatyn Qazaqstan áıelder quramasy anyqtalǵanyn jazǵan bolatynbyz.