Taılandta baıdarka jáne kanoemen esýden Azııa chempıonaty bastaldy
ASTANA. KAZINFORM — Taılandtyń Pattaııa qalasynda baıdarka jáne kanoemen esý sportynan jasóspirimder men 23 jasqa deıingi sportshylar arasyndaǵy Azııa chempıonaty bastaldy.
Qurlyqtyq dodaǵa 15 elden 300-ge jýyq sportshy keldi. Atalǵan jarysta elimizdiń atynan Marııa Brovkova, Dinmuhammed Shynqojaev, Bogdan ıAtsenko, Mıhaıl Zatolokka, Sultan Sharapıev, Rýslan Fedotov, Anna Emelıanenko, Veronıka Trapeznıkova, Ýlıana Ivanova, Malıka Tursyn, Evelına Kostenko, Olga Sýrmına syndy belgili sheberler saıysqa túsedi.
Aıta ketsek, bıyl mamyr aıynda Nanchanda (Qytaı) baıdarka men kanoede esý sportynan Azııa chempıonaty aıaqtaldy. Bul qurlyqtyq birinshilikte Qazaqstan quramasy 12 júldege qol jetkizdi. Azııa chempıonatynda qazaqstandyq tórt sportshy altyn medal aldy.
Eske salsaq, byltyr Marııa Brovkova álem chempıonatynyń qola júldesin jeńip aldy.