Taılandta bastalǵan saılaý elde dúrdarazdyqtar týdyrýy múmkin
ASTANA. QazAqparat - Taılandta ulttyq parlament depýtattaryn saılaý úshin daýys berý ýchaskeleri ashyldy. Saılaý shıryqqan jaǵdaıda ótip jatyr, kóptegen sholýshylar onyń nátıjesinde qoǵamdaǵy dúrdarazdyqtar kúsheıe túsýi múmkin, dep esepteıdi.
Al Jazeera telearnasy habarlaǵandaı, Bangkok astanasynda ótip jatqan daýys berýler kóbirek qaýip týdyrady. Sebebi, onyń qarsańynda 8 adamnyń, onyń ishinde 1 amerıkandyq jýrnalıst jaralanýy narazylyqtar týdyrýy múmkin. Munda qoǵamdyq tártipti saqtaýǵa 12 myń polıtsııa qyzmetkeri jumyldyrylǵan.
Eldegi jaǵdaıdyń shıryǵýynyń basty sebebi mynada. Qazirgi premer-mınıstr Inglýk Sınavtardyń negizgi qarsylastary, Taıland Demokratııalyq partııasynyń músheleri saılaýdy azamattyq soǵys jaǵdaıynda ótip jatyr derlik dep tanyp, oǵan qatysýdan bas tartty. Qalada saılaýaldy úgit-nasıhat jumystarynyń da júrgizilmegenin aıta ketken jón. Sebebi, ol qalada kıkiljińdi keleńsizdikter týdyrýy múmkin degen qaýip basym boldy.
Taıland áskeri ázirge beıtarap kúıde. Áskerıler Bangkoktegi úkimetti jaqtaýshylar men oppozıtsııa arasyndaǵy qarama-qaıshylyqtar búkil elge jaıylatyn azamat soǵysyna aınalyp ketýi múmkin, degen qaýippen bılikten saılaýdy ótkizbeýdi suraǵan edi. Sondaı-aq Qorǵanys mınıstrligi saıasatkerler shabýyldyń aldyn alýǵa ázir bolmaǵan jaǵdaıda ásker bılikti óz qolyna ala alady degen málimdeme jasaǵan.
Sońǵy eki aı ishinde Taılandtaǵy saıası qaıshylyqtar qurbandarynyń sany 10 adamǵa jetken, 577 adam aýyrlyǵy túrli dárejedegi jaraqattar alǵan.
