Taılandta azamattyq soǵys týraly eskertý jasaldy
ASTANA. 21 jeltoqsan. QazAqparat - Taıland áskeriniń basshysy Praıýth Chan-ocha eger de aqpanǵa belgilengen saılaý qazirgi jaǵdaıdaǵy saıası daǵdarys ahýalymen ótse, elde azamattyq soǵystyń oty tutanýy múmkin degendi eskertti.
General bılik pen oppozıtsııa taraptaryn kelissózder úshin kezdesip, ymyraǵa kelgennen keıin ǵana saılaýdy ótkizýge shaqyrdy.
Bul elde bir aıdan astam ýaqyt boıy premer-mınıstr Iınglak Chınavattyń ostavkasyn talap etip júrgen oppozıtsııa jaqtastarynyń narazylyq aktsııalary jalǵasýda.
Aıta keteıik, jaqynda premer merziminen buryn parlamentti taratyp jiberip, osydan keıin onyń úkimeti 2014 jyldyń 2 aqpanyna belgilengen jańa saılaýǵa deıin ýaqytsha qyzmet atqarýda.
