Taılandta avtobýs júk kóligimen soqtyǵysty: keminde 18 adam qaza tapty
ASTANA. QazAqparat - Taılandtyń soltústik-shyǵysynda eki qabatty avtobýs júk kóligimen soqtyǵysyp, saldarynan kem degende 18 adamnyń ómiri qıyldy, taǵy 32 adam aýrýhanaǵa jetkizildi. Bul jaıly beısenbi kúni Bangkok Post habarlady.
Chanthabýrı provıntsııasynan shyqqan 50 jolaýshysy bar avtobýs Sakonnakhonǵa bara jatqanda jan túrshigerlik apatqa ushyraǵan. Soqtyǵysý saldarynan avtobýs aýdarylyp túsken, al júk kóligi aǵashqa soǵylǵan.
Avtobýs júrgizýshisi din aman.
Qaıǵyly jol apatynyń naqty sebepteri ázirge belgisiz. Oqıǵanyń mán-jaıy tekserilýde.
