Taılandta aýa temperatýrasy +13 gradýsqa tómendep, 3 adam kóz jumdy
BANGKOK. QazAqparat – Taılandtyń Ortalyq jáne Shyǵys bóliginde kúnniń sýyp ketýi saldarynan úsh adam qaza tapty, dep habarlaıdy QazAqparat Bangkok Post-qa silteme jasap.
Taılandtyń ortalyq jáne shyǵys bólikterinde aýa temperatýrasy demalys kúnderi plıýs 13-18 gradýsty kórsetken.
Keshe Bangkoktaǵy Prıchınbýrı provıntsııasynda tańǵy saǵat 4:30-da 59 jastaǵy Vırat Djanlý esimdi azamattyń denesi óli kúıinde tabylǵan. Ony balalary baıqap qalǵan. Sakeý provıntsııasynda turatyn 81 jastaǵy Plean Pýangsopa da óz úıinde kóz jumdy.
Sonymen qatar, 41 jastaǵy Kavıta Sıngsata da aýa temperatýrasynyń kúrt tómendep ketýi saldarynan mert boldy.
Tekseris nátıjesi eki adamnyń ólimine salqyn aýa raıy sebep bolǵanyn anyqtady.
