Taılandta áskerıler senatty taratyp jiberdi

Senattyń taratylatyndyǵy jaıynda ulttyq telearnalardyń efırinen áskerı úkimettiń ókili jarııalady. Senat taratylǵannan keıin, áskerı úkimet endi zańnamalyq jáne atqarýshylyq bılikti tolyq qadaǵalaıtyn bolady. Esterińizge sala keteıik, Taılandtaǵy saıası daǵdarys 2013 jyldyń qarasha aıynan bastalǵan. Sol kezde Bangkokta eldiń premery Iınglak Chınavat saıasatyna qarsy birneshe sherýler ótken. Taılandtyqtar úkimet basshysy óziniń aǵasynyń aıtqanymen júr degen uıǵarym jasap, soǵan narazylyq bildirgen. Al onyń aǵasy 2006 jylǵy tóńkeristen keıin shetelde turyp jatqan eks-premer Taksın Chınavat. Aıta keteıik, 19 mamyrda Taılandtyń qarýly kúshteri áskerı jaǵdaı jarııalap, eldegi turaqtylyqty qamtamasyz etý mindetin óz moınyna aldy. Áskerılerdiń ózi muny «kezekti tóńkeris emes» dep túsindirdi. Olardyń sózine qaraǵanda, bul beıbitshilik pen quqyqtyq tártipti qamtamasyz etý maqsatynda júzege asyrylýda. Al 22 mamyrda Taılandtyń qurlyqtaǵy áskeriniń qolbasshysy general Praıýt Chan-Ocha eldegi áskerı tóńkeris jaıly jarııa etti.