Taılandta aptap ystyqtan 30 adam qaıtys boldy

ASTANA. KAZINFORM – Taılandta aptap ystyqtan 30 adam qaıtys boldy. Bul týraly Koroldiktiń Densaýlyq saqtaý mınıstrligi málimdedi, dep habarlaıdy 24KZ.

Eldegi termometr baǵanasy sáýir aıynyń basynan beri 40 gradýstan tómen túsken joq. Ótken aptada Lampang qalasynda aýa temperatýrasy 44 gradýsqa jetken.

Sınoptıkterdiń boljamynsha, eldiń ortalyq jáne soltústik oblystarynda joǵary temperatýra osy aptanyń sońyna deıin saqtalady. Turǵyndar men týrısterge ashyq aýada uzaq bolmaýǵa keńes beriledi. Ystyqtan eń kóp zardap shegetinder – dalada jumys isteıtinder men baspanasyz adamdar.