Taılandta amerıkalyq týrısti pilder taptap tastady
ASTANA. 24 qańtar. QazAqparat - Taılandtyń Kaeng-Krachan ulttyq parkinde amerıkalyq týrıstiń máıiti tabyldy, marqumnyń denesindegi zaqymdar ony pilder taptap ketkenin kórsetip otyr, dep habarlaıdy lenta.ru.
AQSh-tyń Bangkoktaǵy elshiligi jerlesiniń qazasy týraly aqparatty rastady, alaıda oqıǵanyń mán-jaıy tolyq aıtylmaı otyr, delingen habarlamada.
Jergilikti polıtsııa qyzmetkeri Voradet Sýanklaaıdyń aıtýynsha, 13 qańtar kúni jalǵyz ózi qydyryp kelgen amerıkalyq týrıst áıel joǵalyp ketken. Onyń múrdesi arada bes kún ótken soń djýnglıden tabylǵan. Qazir áıeldiń naqty neden qaıtys bolǵanyn anyqtaý úshin saraptama júrgizilip jatyr.
Taılandtyń ný ormandaryn jabaıy úsh myńǵa jýyq pil mekendeıdi. Jergilikti BAQ Kaeng-Krachan ulttyq parkinde brakonerler pil aýlaýǵa jıi shyǵady, týrıstiń ólimine sol sebep bolýy múmkin, dep jazady.
