Taılandta álemdegi eń qorqynyshty qoltyraýyndar attraktsıony jabyldy
ASTANA. QazAqparat - Taılandtyń Chonbýrı provıntsııasyndaǵy týrıstter qyzmet kórsetetin qoltyraýyn fermasyndaǵy qorqynyshty attraktsıon jabyldy.
The Mirror gazetiniń jazýynsha, týrıster temir torly salǵa otyryp toǵanda tolyp júrgen qoltyraýyndardy tamaqtandyrǵan. Adamdardy jyrtqysh ańdardan shaǵyn qorshaý ǵana qorǵaǵan.
Osyndaı sýretti Týıtterge taksı júrgizýshisi Djon Hok jarııalap, qorqynyshty attarktsıondy polıtsııa men sheneýnikterge tekserýdi usynǵan.
Sýretter ǵalamtor paıdalanýshylarynyń jaǵasyn ustatyp, ashý-yzasyn týdyrǵan.
Budan keıin polıtsııa men jergilikti bılik qoltyraýyn fermasyn tekserip, onyń jumysyn úsh aıǵa toqtatty.
Jergilikti turǵyndardyń aıtýynsha, attraktsıon úsh jyl boıy istegen. Ferma ıesi bıznesin qaýipsiz dep otyr, ol: «Qaıyqqa 15 adamnan kóp týrısti shyǵarmaımyz. Olardyń qaýipsizdigin muqııat qadaǵalaımyz», dedi. Eki toǵanǵa bólingen fermada 4 300-den astam qoltyraýyn bar. OBir toǵanda olar tamaqtandyrylsa, ekinshisine kóbeıýine jaǵdaı jasalǵan.
