Taılandta 78 jastaǵy qazaqstandyq sýǵa ketip, kóz jumdy
NUR-SULTAN. QazAqparat – Taılandta 78 jastaǵy qazaqstandyq áıel sýǵa ketip, kóz jumdy. Oqıǵa Pattaııa provıntsııasynda bolǵan, dep habarlaıdy QazAqparat tilshisi.
«Taılandtaǵy jaǵdaı boıynsha, qaıǵyly oqıǵa 26 qyrkúıekte tirkeldi. 78 jastaǵy qazaqstandyq azamat Pattaııa provıntsııasynda sýǵa ketken. Aldyn ala aqparat boıynsha, egde áıel sýǵa tunshyǵyp, kóz jumǵan. Alaıda, biz medıtsınalyq tekseristiń nátıjesin kútip otyrmyz», - dedi QR SІM resmı ókili Aıbek Smadııarov mınıstrlikte ótken brıfıngte.
Onyń aıtýynsha, egde áıeldiń jary deneni krematsııalap, Qazaqstanǵa jetkizý týraly sheshim qabyldaǵan.
«Olar jergilikti rıtýaldy kompanııamen baılanysqa shyqqan. Jaǵdaı baqylaýda», - dedi Aıbek Smadııarov.
