Taılandta 18 jastaǵy qazaqstandyq sýǵa ketip kóz jumdy
BANGKOK. QazAqparat - Taılandtyq qutqarýshylar Phýket araly mańyndaǵy teńizden 18 jastaǵy Qazaqstan azamatynyń denesin taýyp aldy. Munyń aldynda polıtsııa ony reseılik dep qatelesken bolatyn. Bul jaıynda sol provıntsııanyń týrıstik polıtsııasy Facebook-te jazdy, dep habarlaıdy QazAqparat TASS agenttigine silteme jasap.
Phýket týrıstik polıtsııasy juma kúni araldyń soltústigindegi Naı ıAng jaǵajaıyna jaqyn jerde áldebir sheteldik týrıst iz-túzsiz ketkenin habarlady. Bılik ony reseılik týrıst bolýy múmkin dep málimdegen.
Іzdestirý-qutqarý operatsııasy sol kúni bastaldy, biraq aýa raıynyń qolaısyzdyǵyna, ıaǵnı teńizdegi kúshti tolqyndar men jańbyrǵa baılanysty toqtatyldy.
Taılandta sáýirden qarashaǵa deıin sozylatyn jańbyrly maýsymda týrısterdiń teńizge ketý jaǵdaılary jıileıdi.
Demalýshylar teńizde úlken tolqyndar paıda bolyp, jaǵajaıda qyzyl jalaý kóterilse de, bılik pen qutqarýshylardyń sýǵa túspeý týraly eskertýine jıi mán bermeıdi.
Dál jańbyrly maýsymda Taılandta keri aǵyndar ásirese jıi kezdesedi, olar tike jaǵaǵa júzýge múmkindik bermeıdi, sondyqtan qutqarýshylar qaýipti aımaqtan birtindep shyǵyp, qurlyqqa parallel ońǵa nemese solǵa júzýdi usynady.
