Taılandqa usha almaı qalǵan qazaqstandyqtarǵa qatysty mınıstr túsinik berdi
«Zańda jazylǵandaı ushaq keshikken jaǵdaıda áýekompanııa jolaýshylardy qonaqúı jáne tamaqpen qamtýy tıis. Mundaı jaǵdaıda Azamattyq avıatsııa komıtetine júginý kerek. Týrısterdiń ýaqtyly usha almaý sebebin naqtylaý qajet. Áýekompanııa aıypty ma? Álde qatelik týroperatordan ketti me? Menińshe, qazir bul máseleni Azamattyq avıatsııa komıteti qarap jatyr», - dedi Qaıyrbek Óskenbaev Senattyń kýlýarynda tilshilerdiń suraǵyna jaýap bere turyp.
Osy oraıda mınıstr áýekompanııalarǵa qoıylatyn talaptyń qatańdaı túsetinin tilge tıek etti.
«Talapty kúsheıtý jaǵyn taǵy qarastyramyz. ıAǵnı aıyppul kólemin arttyrý. Reısterdiń keshigý, keıinge qalý máselesin ashyq talqylaý kerek. Árıne, biz aldymen jolaýshylardyń múddesin qorǵaımyz. Phýketke usha almaı qalǵan SCAT jolaýshylarynyń mán-jaıyn teksereıik. Ol boıynsha tapsyrma beremin. Keıde reıster tehnıkalyq nemese qaýipsizdik sebebimen keshigip jatady. Bul jerde áýekompanııa eshteńe isteı almaıdy», - deıdi ol.
Aıta keteıik, áleýmettik jelide bir top týrıst Taılandqa óz ýaqytynda usha almaı qalǵany jazyldy. Reıs birneshe ret shegerilgen. Degenmen, reıs aqyry oryndalǵan. Biraq olardyń júgi eki kúnnen keıin kelgen. Keıbiriniń chemodany áli de Astanada qalyp otyr.
SCAT áýe kompanııasynan QazAqparat tilshisine málim etkendeı, bul aqparat – jalǵan.
«Málimet shyndyqqa janaspaıdy. Týrısterdiń barlyǵy ushyp ketti, olardyń júgi de jetkizildi», - dedi kompanııadan.
